ಮಾನವೀಯ ಸೇವೆಗಳು

ಮಾನವ ಅಭಿವೃದ್ಧಿಯನ್ನು ಮಾಡದ ಹೊರತು, ಗ್ರಾಮೀಣಾಭಿವೃದ್ಧಿಯನ್ನು ಪರಿಣಾಮಕಾರಿಯಾಗಿ ಮಾಡಲು ಸಾಧ್ಯವಿಲ್ಲ ಎಂಬುದನ್ನು ಮಾನವ ಗುರು ಅವರು ಅರ್ಥ ಮಾಡಿಕೊಂಡಿದ್ದರು. ಯಾವಾಗ ಪ್ರತಿಯೊಂದು ಕುಟುಂಬವು ತಮ್ಮ ಕಾಲ ಮೇಲೆ ತಾವು ನಿಂತುಕೊಳ್ಳಲು ಸಾಧ್ಯವಾಗುತ್ತದೆಯೋ.. ಅಥವಾ ಯಾವಾಗ ಪ್ರತಿಯೊಂದು ಕುಟುಂಬವು ಆತ್ಮನಿರ್ಭರ ಕುಟುಂಬವಾಗುತ್ತದೆಯೋ ಆಗ ಮಾತ್ರ ನಾವು ಗ್ರಾಮೀಣಾಭಿವೃದ್ಧಿಯನ್ನು ಪರಿಣಾಮಕಾರಿಯಾಗಿ ಮಾಡಬಹುದು.

ಮಾನವ ಗುರು ಅವರು 2015 ರಲ್ಲಿ ಕರ್ನಾಟಕದ ಬೆಳಗಾವಿ ಜಿಲ್ಲೆಯ ಗೊಡಚಿ ಗ್ರಾಮವನ್ನು ದತ್ತು ಪಡೆದುಕೊಳ್ಳುತ್ತಾರೆ. ಈ ಮಾದರಿಯ ದತ್ತು ಪಡೆಯುವ ಕಾರ್ಯದಲ್ಲಿ ಈ ಗ್ರಾಮವು ಭಾರತದ ಮೊದಲ ಮಾದರಿ ಗ್ರಾಮವಾಗಿದೆ. ಈ ಗ್ರಾಮವನ್ನು ದತ್ತು ಪಡೆದ 8 ತಿಂಗಳೊಳಗೆ ಈ ಗ್ರಾಮವು ಸಾಮಾಜಿಕವಾಗಿ ಮತ್ತು ಆರ್ಥಿಕವಾಗಿ ಪರಿವರ್ತನೆಗೊಳ್ಳುತ್ತದೆ.

ಮಾನವ ಗುರು ಅವರು 640 ಕುಟುಂಬಗಳಿಗೆ ಅನನ್ಯ ಜ್ಞಾನದ ಮಾರ್ಗದರ್ಶನವನ್ನು ನೀಡಿದ್ದರು. ಅವರ ಮಾರ್ಗದರ್ಶನವನ್ನು ಸರಿಯಾಗಿ ಅನುಸರಿಸಿದವರು, ಕೇವಲ 9 ರಿಂದ 180 ದಿನಗಳಲ್ಲಿ ತಮ್ಮ ಜೀವನದ ಎಲ್ಲಾ ಸಮಸ್ಯೆಗಳಲ್ಲಿ ಹೊರ ಬಂದು ಸಕಾರಾತ್ಮಕ ಬದಲಾವಣೆಗಳನ್ನು ಅನುಭವಿಸಿದ್ದಾರೆ. ಗೊಡಚಿ ಗ್ರಾಮದ ಎಲ್ಲ ಮಕ್ಕಳು ಶೈಕ್ಷಣಿಕವಾಗಿ ಉತ್ತಮ ಸಾಧನೆ ಮಾಡುತ್ತಾರೆ, ಯುವಕರು ತಮ್ಮ ಉದ್ಯೋಗ ಮತ್ತು ವೃತ್ತಿ ಜೀವನದಲ್ಲಿ ಹೆಚ್ಚು ಹೆಚ್ಚು ಅವಕಾಶಗಳನ್ನು ಕಂಡುಕೊಳ್ಳುತ್ತಾರೆ, ವ್ಯಾಪಾರಸ್ಥರು ತಮ್ಮ ವ್ಯವಹಾರಗಳಲ್ಲಿ ಯಶಸ್ಸು ಕಂಡರೆ, ರೈತರು ತಮ್ಮ ಕೃಷಿಯಲ್ಲಿ ಅಚ್ಚರಿಯ ಅಭಿವೃದ್ಧಿಯನ್ನು ಕಾಣುತ್ತಾರೆ, ಸಂಬಂಧಿಕರ ಮದ್ಯೆ ಅನ್ಯೋನ್ಯತೆ ಮೂಡುತ್ತದೆ, ಗ್ರಾಮಸ್ಥರು ಆರ್ಥಿಕವಾಗಿ ಸದೃಢರಾಗುತ್ತಾರೆ, ವಿವಾಹದಲ್ಲಿ ವಿಳಂಬತೆ ಮತ್ತು ಹಲವಾರು ಅನಾರೋಗ್ಯದಿಂದ ಬಳಲುತ್ತಿದ್ದವರ ಎಲ್ಲ ಸಮಸ್ಯೆಗಳು ಅಚ್ಚರಿಯ ರೀತಿಯಲ್ಲಿ ನಿವಾರಣೆಯಾಗುತ್ತವೆ.